Sanatan Dharma
published: Jun, 21 2025 17:54
কামাখ্যা স্তোত্রম্ & কামাখ্যা ধ্যানম্
কামাখ্যা স্তোত্রম্
=======================
জয় সর্বগতে দেবি কামেশ্বরি নমোঽস্তু তে ॥ ১॥
বিশ্বমূর্তে শুভে শুদ্ধে বিরূপাক্ষি ত্রিলোচনে ।
ভীমরূপে শিবে বিদ্যে কামেশ্বরি নমোঽস্তু তে ॥ ২॥
মালাজয়ে জয়ে জম্ভে ভূতাক্ষি ক্ষুভিতেঽক্ষয়ে ।
মহামায়ে মহেশানি কামেশ্বরি নমোঽস্তু তে ॥ ৩॥
ভীমাক্ষি ভীষণে দেবি সর্বভূতভয়ঙ্করি ।
করালি বিকরালি চ কামেশ্বরি নমোঽস্তু তে ॥ ৪॥
কালি করালবিক্রান্তে কামেশ্বরি হরপ্রিয়ে ।
সর্বশাস্ত্রসারভূতে কামেশ্বরি নমোঽস্তু তে ॥ ৫॥
কামরূপপ্রদীপে চ নীলকূটনিবাসিনি ।
নিশুম্ভ-শুম্ভমথনি কামেশ্বরি নমোঽস্তু তে ॥ ৬॥
কামাখ্যে কামরূপস্থে কামেশ্বরি হরিপ্রিয়ে ।
কামনাং দেহি মে নিত্যং কামেশ্বরি নমোঽস্তু তে ॥ ৭॥
বপানাঢ্যমহাবকত্রে তথা ত্রিভুবনেশ্বরি ।
মহিষাসুরবধে দেবি কামেশ্বরি নমোঽস্তু তে ॥ ৮॥
ছাগতুষ্টে মহাভীমে কামাখ্যে সুরবন্দিতে ।
জয় কামপ্রদে তুষ্টে কামেশ্বরি নমোঽস্তু তে ॥ ৯॥
ভ্রষ্টরাজ্যো য়দা রাজা নবম্যাং নিয়তঃ শুচিঃ ।
অষ্টম্যাঞ্চ চতুর্দশ্যামুপবাসী নরোত্তমঃ ॥ ১০॥
সংবত্সরেণ লভতে রাজ্যং নিষ্কণ্টকং পুনঃ ।
য় ইদংশৃণুয়াদ্ ভক্ত্যা তব দেবি সমুদ্ভবম্ ॥ ১১॥
সর্বপাপবিনির্মুক্তঃ পরং নির্বাণমৃচ্ছতি ।
শ্রীকামরূপেশ্বরি ভাস্করপ্রভে প্রকাশিতাম্ভোজনিভায়তাননে ।
সুরারি-রক্ষঃস্তুতিপাতনোত্সুকে ত্রয়ীময়ে দেবনুতে নমামি ॥ ১২॥
সিতাসিতে রক্তপিশাঙ্গবিগ্রহে রূপাণি য়স্যাঃ প্রতিভান্তি তানি।
বিকাররূপা চ বিকল্পিতানি শুভাশুভানামপি তাং নমামি ॥ ১৩॥
কামরূপসমুদ্ভূতে কামপীঠাবতংসকে ।
বিশ্বাধারে মহামায়ে কামেশ্বরি নমোঽস্তু তে ॥ ১৪॥
অব্যক্তবিগ্রহে শান্তে সন্ততে কামরূপিণি ।
কালগম্যে পরে শান্তে কামেশ্বরি নমোঽস্তু তে ॥ ১৫॥
য়া সুষুম্নান্তরালস্থা চিন্ত্যতে জ্যোতিরূপিণি ।
প্রণতোঽস্মি পরাং ধীরাং কামেশ্বরি নমোঽস্তু তে ॥ ১৬॥
দংষ্ট্রাকরালবদনে মুণ্ডমালোপশোভিতে ।
সর্বতঃ সর্বগে দেবি কামেশ্বরি নমোঽস্তু তে ॥ ১৭॥
চামুণ্ডে চ মহাকালি কালি কপোলহারিণি ।
পাশহস্তে দণ্ডহস্তে কামেশ্বরি নমোঽস্তু তে ॥ ১৮॥
চামুণ্ডে কুলমালাস্যে তীক্ষ্ণদংষ্ট্রামহাবলে ।
শবয়ানাস্থিতে দেবি কামেশ্বরি নমোঽস্তু তে ॥ ১৯॥
নীলাচলে কামেশ্বরী দেবী 'মা কামাখ্যা'র প্রণাম মন্ত্র: -
==============≠================
মা কামাখ্যা নমস্তুভ্যং শৈলসুতা কামেশ্বরী।
হরপ্রিয়া নমস্তুভ্যং নমস্তুভ্যং দয়া নিধে।।
ভুবনেশ্বরী ভবতারিণী মংগল মোক্ষ প্রদায়িনী।
কামনা সিদ্ধ কামেশ্বরী শক্তিশৈল সমন্বিতা।।
অধিষ্ঠাত্রী অসমদেশে আবাহ্যামি সুসর্বদা।
সিদ্ধক্ষেত্র নীলাংচলে শক্তিপীঠ প্রতিষ্ঠিতম।।
নমোহস্তু কামাখ্যায় দেবৈ চ তেজোময়ং দিব্যম।
প্রণমামি সদা ভক্তয়া মাং কামাখ্যা পরম শুভম।।
নমোভগবতী ভগেশ্বরী যোনি মুদ্রা মহোদরী।
শরণ্যে শক্তিরুপায় দেবী কল্যাণী নমোহস্তুতে।।
" ত্বং আদ্যাদেবী কামাখ্যারুপেন জগত্মাতৃকা
তৎ চরনারবিন্দ সর্বভূতানাং স্বর্মপয়ামি॥
কামাখ্যে বরদে দেবী নীলপর্ব্বতবাসিনী
ত্বং দেবী জগতাং মাতর্যোনিমুদ্রেনমোহস্তুতে।। "
কামাখ্যা ধ্যানম্
====================
রবিশশিয়ুতকর্ণা কুংকুমাপীতবর্ণা
মণিকনকবিচিত্রা লোলজিহ্বা ত্রিনেত্রা ।
অভয়বরদহস্তা সাক্ষসূত্রপ্রহস্তা
প্রণতসুরনরেশা সিদ্ধকামেশ্বরী সা ॥ ১॥
অরুণকমলসংস্থা রক্তপদ্মাসনস্থা
নবতরুণশরীরা মুক্তকেশী সুহারা ।
শবহৃদি পৃথুতুঙ্গা স্বাঙ্ঘ্রিয়ুগ্মা মনোজ্ঞা
শিশুরবিসমবস্ত্রা সর্বকামেশ্বরী সা ॥ ২॥
বিপুলবিভবদাত্রী স্মেরবক্ত্রা সুকেশী
দলিতকরকদন্তা সামিচন্দ্রাবতংসা ।
মনসিজ-দৃশদিস্থা য়োনিমুদ্রালসন্তী
পবনগগনসক্তা সংশ্রুতস্থানভাগা ।
চিন্তা চৈবং দীপ্যদগ্নিপ্রকাশা
ধর্মার্থাদ্যৈঃ সাধকৈর্বাঞ্ছিতার্থা ॥ ৩॥
মায়ের শ্রীচরণে শত-সহস্র-কোটি প্রণাম জানিয়ে
সকলের জন্য পরম শান্তি ও কল্যান কামনা করি।।
জয় মা কামাক্ষা ।।